«Kóktóbe» telemunarasynyń sáýlettik jaryqtandyrýy jańa keste boıynsha jumys isteıdi, dep habarlaıdy aqshamnews.kz
Aldaǵy mereke qarsańynda 20 jeltoqsannan bastap «Kóktóbe» telemunarasynyń mýltımedıalyq jaryqtandyrýy kún saıyn saǵat 17:00-den 01:00-ge deıin qosylady, al 01:00-den 05:00-ge deıin ǵımarattyń qasbeti negizgi jaryqpen jarqyraıdy. Buǵan deıin telemunaranyń sáýlettik-kórkem jaryqtandyrýy saǵat 20:00-de qosylatyn.
Telemunaranyń jaryqtandyrýy Seoul Tower, Tokyo SkyTree sıaqty álemdik bıik nysandarǵa uqsas túrde qalanyń sánine aınalyp, táýliktiń kez kelgen ýaqytynda shahardyń sımvoly bolýyna yqpal etýde.
Aıta keteıik, bıiktigi 370 metrden asatyn telemunara 185 TLOS-H projektory ártúrli sáýle taratý buryshtarymen jabdyqtalǵan. Sondaı-aq, qurylymnyń 10 deńgeıin jaryqtandyratyn LED modýlderi bar jaryq syzyqtarynan turatyn medıafasadpen qamtamasyz etilgen.