Qubylmaly bolady.
Qazaqstandyq cınoptıkterdiń boljamynsha, 1-3 naýryz aralyǵynda aýa raıy qubylmaly bolady, dep habarlaıdy Almaty-akshamy.kz.
Sınoptıkterdiń málimetinshe, kóktemniń alǵashqy kúnderi Qazaqstanda aýa raıy qubylmaly bolady. Frontaldy aýa bólikteriniń ótýine baılanysty soltústik jartysynda qar jaýyp, boran bolyp, jel kúsheıip, ońtústiginde naızaǵaı oınap, jańbyr jaýady. Sondaı-aq, el aýmaǵynda tuman túsip, kóktaıǵaq bolady.
«Aýa temperatýrasy tómendeıdi: batysta túnde 2…10 gradýs aıazǵa deıin, kúndiz 2…15 gradýsqa deıin jyly; respýblıkanyń soltústiginde, shyǵysynda jáne ortalyǵynda túnde termometr baǵandary 15…20 gradýsqa deıin tómendeıdi, kúndiz 0…10 gradýs aıaz; eldiń ońtústik jáne ońtústik-shyǵys jartysynda túnde 0…8 gradýs aıaz, kúndiz 5…15 gradýs jyly bolady», - delingen habarlamada.