Kóktemgi sý tasqyny nátıjesinde Qazaqstanda respýblıkalyq mańyzy bar trassalardyń 122 ýchaskesinde jol jıekteri men jol tósemi shaıylyp ketti.
Mundaı derekterdi Úkimet otyrysynda kólik mınıstri Marat Qarabaev keltirdi. Qazirgi ýaqytta olardy qalpyna keltirý boıynsha belsendi jumystar júrgizilýde. Jóndeýge qajetti qarajat tolyq kólemde bólingen.
Jergilikti mańyzy bar joldar týraly aıtatyn bolsaq, munda Kólik mınıstrliginiń málimetinshe, 414 ýchaskede búliný tirkeldi. Jergilikti búdjetter esebinen onyń 233–de jumys tolyǵymen aıaqtaldy. Qalpyna keltirý jumystarynyń qalǵan bóligin qurylys maýsymynyń sońyna deıin aıaqtaý josparlanýda.