Atap aıtqanda, Yntymaq, Jartas, Jezdi, Ashysý jáne Shoqaı sý qoımalary lyq toldy.
Al Samarqan sý qoımasy 87%-ǵa deıin sý jınady.
Jalpy alǵanda Qaraǵandy oblysynyń «Qazsýshar» fılıalyna qarasty sý qoımalary 328 mln tekshe metr tasqyn sý jınady.
Qazirgi ýaqytta fılıal sýarý maýsymyna daıyndalyp jatyr. Aýyl sharýashylyǵy óndirýshilerinen sý alýǵa ótinimder jınalyp, sý berý týraly kelisimsharttar jasalyp jatyr. Sonymen qatar kanaldardy tazalaý, sý eseptegish quraldardy ornatý jáne sý beketterin tekserý jumystary júrgizilip jatyr.
«Qaraǵandy fılıalynyń nysandarynda kóktemgi tasqyn kezeńi qalypty jaǵdaıda ótti. Bul – aldyn ala júrgizilgen daıyndyq jumystarynyń nátıjesi»,- dedi Qaraǵandy oblysynyń «Qazsýshar» fılıaly dırektorynyń mindetin atqarýshy Mýslım Aqqojın.