Oqý úılestirý jáne jetekshilik etý jónindegi respýblıkalyq shtab Aqtóbede ornalasqan.
Elimizde «Sý tasqyny kezeńi jaǵdaılaryndaǵy tótenshe jaǵdaılardy joıý kezindegi is-qımyldarǵa azamattyq qorǵaýdyń memlekettik júıesiniń basqarý organdaryn, kúshteri men quraldaryn daıyndaý» taqyryby boıynsha «Kóktem-2024» respýblıkalyq komandalyq-shtabtyq oqý-jattyǵýy bastaldy, dep habarlaıdy Almaty-akshamy.kz Tótenshe jaǵdaılar mınıstrligine silteme jasap.
Oqý-jattyǵý 2024 jylǵy 8-9 aqpan aralyǵynda Azamattyq qorǵaýdyń memlekettik júıesiniń jáne halyqtyń kóktem kezeń jaǵdaıynda tótenshe jaǵdaılardy joıýǵa daıyndyǵy men qabilettiligin arttyrý, azamattyq qorǵaý qyzmetteri men quralymdarynyń kóktem kezeńdegi TJ-ǵa den qoıýǵa daıyndyǵyn tekserý maqsatynda ótkiziledi.
«Kóktem-2024» oqý-jattyǵýy sheńberinde respýblıka boıynsha TJ joıý jónindegi is-qımyldardy pysyqtaý boıynsha komandalyq-shtabtyq jattyǵýlar, avarıalyq-qutqarý qyzmetterimen jáne azamattyq qorǵaý quralymdarymen praktıkalyq is-qımyldar ótkiziletin bolady.
«Kóktem-2024» RKSHO barysynda el óńirlerinde elektr sırenalaryn iske qosa otyryp, qulaqtandyrý júıesine tehnıkalyq tekserý júrgiziletin bolady. Bul is-shara halyqqa «Barshanyń nazaryna!» biryńǵaı qulaqtandyrý sıgnalyna den qoıý tártibin daǵdylandyrý maqsatynda ótkiziledi. Osyǵan baılanysty tynyshtyqty saqtap, dúrbeleńge túspeýińizdi suraımyz.