Almatyda turǵyn úıdi balshyq massasynan tazartý jáne adamdardy izdeý jumystary júrgizilýde, dep habarlaıdy almaty-akshamy.kz Almaty qalasy Tótenshe jaǵdaılar departamentine silteme jasap.
Saǵat 10:00-degi aqparatqa sáıkes, Almatyda kóshkin júrgen jerde jedel shtab ashyldy. Qazirgi ýaqytta jeke turǵyn úıdi balshyq massasynan tazartý jáne adamdardy izdeý jumystary júrgizilýde. İzdestirý jumystaryna 182 maman men 32 tehnıka jumyldyryldy. Oqıǵa ornynda jedel medısınalyq járdem brıgadalary jumys isteýde. Kóshkin basyp qalǵan úılerdiń týystary men kórshilerine shuǵyl psıhologıalyq kómek kórsetildi.
«Almaty qalasy Tótenshe jaǵdaılar departamenti men Respýblıkalyq jedel-qutqarý jasaǵynyń kúshteri úıindi astynan bir er adamnyń denesin tapty»,- dep habarlady departamentten.
İzdeý-qutqarý jumystary jalǵasýda.