Almaty qalasyndaǵy kóriktendirý qyzmetteriniń 2022 jylǵy 8-9 qarashada jaýyn-shashyn kezinde atqarǵan jumystary boıynsha aqparat
Almaty qalasynda jańbyrdyń, onyń arty qar aralas jaýynǵa ulasýyna baılanysty qalalyq kóriktendirý qyzmetteri sý tasqyny men kóktaıǵaqtyń aldyn alý boıynsha táýlik boıy jumys júrgizýde, dep habarlaıdy Almaty-akshamy.kz Almaty qalasy komýnaldyq ınfaqurylymdy damytý basqarmasyna silteme jasap.
8-9 qarasha aralyǵynda jaýyn-shashynnyń bolýyna baılanysty, Almaty qalasynda Ál-Farabı dańǵylynyń joǵary jaǵyna 8-10 sm qar tústi. 9 qarasha kúni tańǵy saǵat 7:00-de taýly aımaqtaǵy túsken qardyń deńgeıi 15-20 sm-ge jetti. Aıdyń basynan beri qalada 36,6 mm jańbyr jaýdy, normasy 50 mm.
Túngi kezeńde 8-9 qarasha aralyǵynda 285 arnaıy tehnıka birligi, onyń ishinde 68 qum sepkish jáne 357 jol jumysshysy jumyldyryldy.
Taýly jáne taý bókterindegi jerlerde kóktaıǵaq qubylystarynyń aldyn alý maqsatynda joldardy kóktaıǵaqqa qarsy materıaldar sebildi jáne tazalaý júzege asyryldy. Kóktaıǵaqqa qarsy 763 tonna materıaldar paıdalanyldy. Sondaı-aq, qalanyń joǵarǵy bóliginde trotýarlar men qoǵamdyq kólik aıaldamalaryn qardan tazartý jumystary júrgizilýde.
9 qarasha kúni tańerteń qala joldaryn tazartýǵa 377 tehnıka birligi, sondaı-aq onyń ishinde 77 qum sepkish jáne 1129 jol jumysshysy jumyldyryldy. Qazirgi ýaqytta qalada joldar men trotýarlardy qulaǵan japyraqtardan jappaı tazartý jumystary júrgizilýde. Aýdan ákimdikterinde jumys barysyn baqylaý boıynsha táýlik boıy kezekshilik uıymdastyrylǵan.
Qazgıdromettiń boljamy boıynsha, búgin tústen keıin jaýyn-shashynsyz, bultty, aýa temperatýrasy+2...+ 4°S bolady, túnde jańbyr jaýyp, arty qarǵa ulasýy múmkin. Túnde jeldiń jyldamdyǵy 3-8 m/s jáne aýa temperatýrasy 0-2 aıaz kútilýde.
Joldyń qozǵalys bóliginde paıda bolýy múmkin kóktaıǵaqqa baılanysty júrgizýshiler qozǵalys jyldamdyǵyn tómendetip, avtokólikter arasyndaǵy qashyqtyqty arttyryp, kenetten manevrler men tejeýlerden aýlaq bolǵandary jón.