Kókshetaý qalasynda Prezıdent Qasym-Jomart Toqaev jarıalaǵan Jumysshy mamandyqtar jyly aıasynda «Qurmet saǵan, qurylysshy!» atty respýblıkalyq aıtys uıymdastyryldy.
Sharaǵa elimizdiń ár óńirinen belgili aıtyskerler jınalyp, eńbek adamdarynyń mártebesin jyr arqaýyna aınaldyrdy. Aıtystyń bas demeýshisi – «Jakýpov» JK qurylys kompanıasy.
Aqmola oblysynyń ákimi Marat Ahmetjanov aıtystyń ashylý saltanatynda qurylysshylardyń el damýyna qosqan úlesin atap ótti. Aıtysty belgili aqyn, qoǵam qaıratkeri Amanjol Áltaev júrgizip, qazylar alqasyna tanymal ǵalymdar men mádenıet qaıratkerleri endi.
Sahna tórinde Shymkent, Pavlodar, Aqtóbe, Almaty, Túrkistan, Jambyl jáne Aqmola oblystarynan kelgen aıtysker aqyndar sóz saıysyna tústi.
Mádenı shara halyqtyń eńbek adamdaryna degen qurmetin aıshyqtap, jumysshy mamandyqtarynyń abyroıyn arttyrýǵa yqpal etti.