Batyrlardy qurmetteý - dástúr sabaqtastyǵy
2021 jyldyń 16 maýsymynda Málik Ǵabdýllın mýzeıiniń aýmaǵynda "Beıbit kúnniń batyrlary"atty ashyq aspan astyndaǵy kórmeniń ashylýy ótti.
Bul kórmeniń maqsaty beıbit ýaqyttaǵy batyrlardyń erlikterine qurmet kórsetý, órt sóndirý qyzmetiniń tarıhyn, onyń mańyzyn túsindirý bolyp tabylady, dep habarlady Almaty-akshamy.kz. .
Saltanatty sharaǵa akademıa basshylyǵy, Aqmola oblysynyń TJD, Aqmola oblysynyń mádenıet, arhıvter jáne qujattama basqarmasynyń ókilderi, Aqmola oblysynyń Azamattyq qorǵaý organdarynyń ardagerleri qatysty.
Akademıa bastyǵy, azamattyq qorǵaý polkovnıgi S.D. Sháriphanov quttyqtaý sóz sóıledi. Ol qazirgi ýaqytta azamattyq qorǵaý organdaryn damytýǵa kóp kóńil bólinetinin jáne beıbit ýaqyttaǵy naǵyz batyrlardy qoldaý jáne asyl kásiptiń qyzmetin nasıhattaý óskeleń urpaq úshin tamasha úlgi bolyp tabylatynyn atap ótti.
Ashylý saltanatynda Qazaqstan Respýblıkasy İİM qurmetti ardageri, otstavkadaǵy polkovnık S.A. Asylbekov qatysýshylardy Akademıanyń qalyptasý jáne damý hronıkasymen, fotoqujattarmen jáne beınematerıaldarmen tanystyrdy.
Sondaı-aq, eksponattar, maketter, marapattar, órt sóndirý tehnıkasy jáne órt sóndirýshi-qutqarýshynyń jaýyngerlik kıimderi usynyldy.