Túrkıanyń Iznık qalasynda ótip jatqan IV Dúnıejúzilik kóshpendiler oıyndarynyń alǵashqy kúngi nátıjesi belgili boldy.
Kókpardan el quramasy Ózbekstandy 8:1 esebimen jeńip, kelesi aınalymǵa ótti. Qazaqstandyqtar qatarynan Qurmanbek Turǵanbek úsh salym salsa, Abylaıhan Nyshanbekov, Arman Jamalbekov, Yntymaq Álipbaev, Islam Rát, Aınabek Berdiqul bir-bir salymǵa ıe boldy, dep habarlaıdy Almaty-akshamy.kz QazAqparatqa silteme jasap.
Dástúrli sadaq atýdan Qasymhan Qanat, Alı Sessıgýzel, Azamat Nurtaev jartylaı fınalǵa joldama aldy.
Sondaı-aq, áıelder arasynda Aıym Tilepbergen men Aıaýlym Appazova úzdik 16 mergenniń qataryna endi.
Kóshpendiler oıyndaryna álemniń 102 elinen 3 myńnan astam sportshy qatysýda. Qazaqstannyń atynan 50 sportshy saıystyń bes túrinen baq synasady. Olar – kókpar, qazaq kúresi, dástúrli sadaq atý, jamby atý, kókbóri.
Eske salsaq, IV Dúnıejúzilik kóshpendiler oıyndarynyń saltanatty ashylý rásimi ótti.