Qazaqstanda sońǵy aptada pıaz, sábiz, kartoptyń baǵalary aıtarlyqtaı ósti.
Ulttyq statısıka basqarmasynyń málimetinshe, 14-24 mamyr aralyǵynda pıazdyń baǵasy 6,1 paıyzǵa qymbattaǵan. Apta ishinde pıazben qatar kartop (3,8 paıyzǵa) pen sábizdiń de (1,4 paıyzǵa) baǵasy ósti, dep habarlaıdy Almaty-akshamy.kz.
Biraq aq qyryqqabattyń baǵasy 10,4 paıyzǵa tómendedi. Bul kókónisterdiń bir kelisiniń ortasha quny kelesideı: pıaz – 114 teńge, kartop – 160 teńge; sábiz – 194 teńge; qyryqqabat – 138 teńge.
Basqa da áleýmettik mańyzy bar azyq-túlik taýarlarynyń arasynda kúrish (jylyna 18,4 paıyzǵa), tuzsyz sary maı (11,6 paıyzǵa) jáne taýyq eti (10 paıyzǵa) baǵasynyń óskenin atap ótýge bolady.