Almatynyń irgesindegi Kókjaılaý betkeıinde iri qar kóshkini júrdi.
«Kazseldenqorǵaý» mekemesiniń málimetinshe, qardyń kólemi shamamen 50 myń tekshe metrge jetken. Aımaqtaǵy tolassyz jaýyn-shashyn men kúnniń jylynýynan qar kúrt erip, sońǵy kúnderi İle-Alataýy betkeılerinde birneshe qar kóshkini tirkeldi, dep habarlaıdy Almaty-akshamy.kz 24.kz-ke silteme jasap.
«Eń úlken qar kóshkini Qotyrbulaq ózeniniń baseıninde boldy, onda kólemi 400 myń tekshe metr qar tústi», - deıdi mamandar.
Qazir qaýipsizdikti qamtamasyz etý maqsatynda qar kóshkini qaýpi bar aımaqtarǵa turǵyndar men demalýshylardyń kirýine shekteý qoıý úshin baqylaý-ótkizý beketteri ornatyldy. Mundaı kóshkinderge tap bolǵan adamdardy qutqarý múmkindigi az bolǵandyqtan mamandar aldaǵy kúnderi taýly aımaqtarda jaıaý júrmeýge keńes beredi.