Almatydaǵy «Kók-Tóbe» telemunarasyndaǵy jaryqtandyrý júıesiniń jumysyn mamandar túsindirdi.
Arhıtektýralyq nysandarda, onyń ishinde «Kók-Tóbe» telemunarasynda, arnaıy baǵdarlamalyq qamtamasyz etýmen basqarylatyn medıa qasbetter ornatylǵan. Bul týraly telemunaranyń jaryqtandyrý júıesine jaýapty merdiger kompanıanyń mamandary málimdedi, dep habarlaıdy aqshamnews.kz
Medıa qasbetter ár 30 mınýt saıyn sóndiriledi, sol kezde tek projektorlarmen qamtamasyz etilgen fondyq jaryq qana jumys isteıdi. Bul ádis energıany únemdep, telemunaranyń estetıkalyq kórinisin saqtap qalýǵa kómektesedi.
Osyndaı tehnologıalar álemniń basqa tanymal nysandarynda da keńinen qoldanylady. Mysaly, Nú-Iorktegi Empire State Building ǵımaratynda jaryqtandyrý qarqyndylyǵy mezgil-mezgil ózgerip, keshke sóndiriledi. Bul ádis Tokıodaǵy telemunara men Dýbaıdaǵy Býrdj-Halıfa ǵımaratynda da qoldanylady.
Mamandardyń aıtýynsha, iri sáýlet nysandaryn jaryqtandyrý júıeleri kópfýnksıonaldy jáne dınamıkalyq bolýy qajet. Bul talap «Kók-Tóbe» telemunarasyn jaryqtandyrý jobasynda da eskerilgen, sebebi ol Almaty qalasynyń vızıt kartochkasy bolyp sanalady.
Almaty telemunarasyndaǵy jaryqtandyrý kestesi kelesideı: kún saıyn saǵat 20:00-den 02:00-ge deıin dınamıkalyq jaryqtandyrý jumys isteıdi. Al saǵat 02:00-den 05:00-ge deıin tek fondyq rejımde projektorlyq jaryq qalady.
Mereke kúnderi saǵat 21:00-den 02:00-ge deıin mýltımedıalyq merekelik beınerolıkter kórsetiledi.