Qutqarýshylar toby tońyp qalǵan 24 jastaǵy er adamdy 2850 metr bıiktikten tapqan
Kók-Jaılaýda aýa raıyna baılanysty eskertýdi elemegen almatylyq qutqaryldy. Er adam shatyr tikken, biraq onda túneı almaǵan. Jabaıy janýarlardyń daýysyn estigende, joǵary kóterilýdi sheshken, biraq aıaǵyn jaraqattap alǵan, dep habarlaıdy Almaty-akshamy.kz Tengrinews.kz-ke silteme jasap.
Almatynyń qutqarýshylary zardap shekken qala turǵynyn Kók-Jaılaý shatqalynan tapqan.
Qutqarýshylar toby tońyp qalǵan 24 jastaǵy er adamdy 00.19-da 2850 metr bıiktikten tapqan. Týrıs aıaǵyn jaraqattaǵan, qutqarýshylar kómek kórsetip, ony qalaǵa evakýasıalaǵan.
Týrıstiń aıtýynsha, birneshe kúndi taýda ótkizip, baǵytyn aldyn-ala josparlaǵysy kelgen.
Ol Kók-Jaılaý shatqalyna kúndiz kóterilip, túndi taýda ótkizgisi, al kelesi kúni belgilengen baǵyt boıynsha kóterilgisi kelgen. Ol shatyr tikken, biraq onda túneı almaǵan. Jabaıy janýarlardyń daýysyn estigen er adam joǵary kóterilýge sheshim qabyldap, aıaǵyn jaraqattap alǵan.
Almatynyń qutqarý qyzmeti aldaǵy kúnderi aýa raıyna baılanysty jarıalanǵan eskertý týraly eske saldy. Taýlarda qar men burshaq jaýyp, sondaı-aq, qatty jel turýy múmkin. Tótenshe jaǵdaılardyń aldyn alý úshin qutqarýshylar taýly jerlerge barýdan bas tartýdy usyndy.