«Halyq qatysatyn búdjet» baǵdarlamasy aıasynda bıylǵy jyly jalpy somasy 1,6 mlrd. teńgege 44 joba iske asyrylýda.
Bul týraly Almaty ákimi Erbolat Dosaevtyń Medeý aýdany turǵyndarymen ótken kezdesýinde aıtyldy, dep habarlaıdy Almaty-akshamy.kz.
Búgingi tańda 21 joba boıynsha jumystar aıaqtaldy. Qalǵan 23 joba (13 aýlany jaılastyrý, 10 qoǵamdyq keńistikti abattandyrý) bıylǵy jyldyń qazan aıynyń sońyna deıin aıaqtalady.
Jeke qarajat esebinen bıyl qyrkúıek aıynyń basynda «Kók Tóbe» parkine deıingi uzyndyǵy 1,2 km jaıaý júrginshiler trotýaryn jaılastyrý jumystary bastaldy. Búgingi kúni joldy keńeıtý jumystary júrgizilip, bordúrlar, oryndyqtar men ýrnalar ornatylady. Aıaqtalý merzimi – osy jyldyń qarasha aıy.
Bıyl «Kók bazardy» modernızasıalaý jumystary bastaldy. Jelilerdi rekonstrýksıalaý, ortalyq kireberistiń aldyndaǵy beton jabyndyny jańartý, tirek konstrýksıalaryn kúsheıtý, aýmaqty abattandyrý josparlanýda. Jumystardy 2024 jyldyń sońyna deıin aıaqtaý josparlanýda.