«Alataý» qalalyq aýrýhanasynyń ǵımaratyn rekonstrýksıalanady.
№10 jedel járdem qosalqy stansıasyn salý úshin jer satyp alý jumystary júrgizilýde, dep habarlaıdy Almaty-akshamy.kz
«Medısınalyq qyzmet kórsetýdi jaqsartý jáne keńeıtý maqsatynda osy jyldyń sońyna deıin
4 densaýlyq saqtaý obektisi boıynsha jobalaý-smetalyq qujattamany aıaqtaýǵa nıettimiz. «Dýman» shaǵyn aýdanynda 500 adam qabyldaıtyn jańa emhana salý, «Alataý» shaǵyn aýdanynda seısmıkalyq kúsheıte otyryp, «Alataý» qalalyq aýrýhanasynyń ǵımaratyn rekonstrýksıalaý,
№2 qalalyq mamandandyrylǵan balalar úıin (Baıjanov kóshesi, 107/5) kúrdeli jóndeý, №4 jedel járdem qosalqy stansıasynyń («Samal-3» shaǵyn aýdany) ǵımaratynyń qurylysy josparlanǵan. №2 qalalyq mamandandyrylǵan balalar úıin kúrdeli jóndeýdi qańtar aıynda bastaý josparlanýda. Qalǵan 3 joba boıynsha qurylys-montajdaý jumystaryn 2024 jyldyń 2 toqsanynda bastaımyz», dedi megapolıs ákimi Erbolat Dosaev.
Sondaı-aq №10 jedel járdem qosalqy stansıasynyń ǵımaratyn salý úshin jer ýchaskelerin satyp alý jumystary júrgizilýde (Aıdyn kóshesi, 9).
Anyqtama úshin: 2023 jylǵy 23 aqpanda №1/1-104 jer ýchaskesin májbúrlep ıelikten shyǵarý týraly qaýly qabyldandy, 3 jer ýchaskesi alyp qoıýǵa jatady (menshik ıesi-5, jalpy aýdany – 0,1441 ga, boljamdy quny – 173 mln. tg.). Búgingi kúni jer ýchaskesin baǵalaý rásimderi júrgizilýde.