kórmesi álemniń jetekshi kompanıalarynyń basyn qosty
Almatyda qazaqstandyq «Týrızm jáne saıahat» atty KITF–2023 halyqaralyq kórmesi uıymdastyryldy. Atalmysh is-sharaǵa álemniń 22 elinen 258 kompanıa qatysty. Ekspozısıada Ázirbaıjan, Vetnam, Grýzıa, Horvatıa, Iordanıa, Italıa, Malaızıa, Maldıv araldary, Japonıa, t.b. memleketterdiń stendteri qoıyldy.
«Almaty – Qazaqstannyń eń iri megapolısi jáne kelgen sheteldik týrıser sany boıynsha absolúttik kóshbasshy. Qala iskerlik, ekologıalyq, mádenı-etnografıalyq, taý shańǵysy týrızmin, sondaı-aq otbasylyq demalysty damytý úshin úlken múmkindikterge ıe. Qazaqstanǵa kelgen árbir ekinshi sheteldik týrısiń Almatyǵa keletinin aıta ketý kerek. 2022 jyldyń birinshi jartyjyldyǵynyń qorytyndysy boıynsha qalada týrıserdiń jalpy sany 774,2 myńnan astam adamdy qurady. Ótken jylmen salystyrǵanda 1,5 ese ósti. İshki týrıser 1,4 ese ulǵaıǵan kezde sheteldik týrıser sanynyń 2,8 ese ósý úrdisi baıqaldy. 2025 jylǵa qaraı 2,3 mln týrıs tartýdy josparlap otyrmyz», – dedi «Kazakh Tourism» Ulttyq rompanıasy» basqarma tóraǵasy Talǵat Amanbaev.
KITF halyqaralyq kórmesi elimizde 2001 jyldan beri ótip kele jatyr. Sondaı-aq, Ortalyq Azıadaǵy eń iri salalyq B2B is-sharasy. Jyl saıyn kórmege qatysýshy memleketter men kompanıalardyń qatary kóbeıip keledi.
«Kórmege osymen birneshe ret qatystyq. Qazaqstandaǵy áriptesterimizben tyǵyz baılanystamyz. Bizge Almaty qalasy unaıdy. Horvatıa kólemi jaǵynan kishkentaı memleket. Degenmen, úsh klımattyq beldeýi bar. Bizde taý, teńiz, úlken orman, tropıkalyq aımaq bar. Týrızmniń 70%-y teńizdiń arqasynda damyp keledi. Jazǵy shomylý kezinde halyqtyń da qarasy qalyńdaıdy. Osyndaı kórmelerdiń arqasynda eki eldiń týrızmin odan ári damıdy degen senimdemin», – deıdi Horvatıa týrısik ortalyǵynyń dırektory Raıko Rýjıchka.
Kórme barysynda elimizdiń týrısik kompanıalary sheteldik kompanıalarmen tájirıbe almasty. Kelýshiler sheteldiń mádenıetimen, ásem jerlerimen de tanys boldy. KITF Travel Fest saıahatshylar forýmy, «Turaqty josparlaý Qazaqstan Respýblıkasynyń týrısik salasyn damytýdyń negizi» taqyrybyndaǵy halyqaralyq semınarlar uıymdastyrdy.
«Biz osy kórmede kompanıanyń atynan Japonıany tanystyryp jatqanymyzǵa 4 jyldan astam ýaqyt ótipti. Keıingi ýaqyttarda qazaq jerinen saıahattap keletin týrıserdiń sany artqan. Japon halqynyń da qazaq jerine saıahattap baryp jatqanyn kóremiz. Osylaısha eki el arasyndaǵy baılanys nyǵaıyp, eki halyqtyń mádenıetimen tanys bolǵan adamdardyń da sany artyp keledi. Qarap otyrsaq, saıahatshylar kóktem mezgilinde eki el arasynda qatynaıdy. Onyń basty sebebi sizderde Naýryz merekesi toılansa, bizde sakýranyń gúldegen kezeńine sáıkes keledi», – deıdi menedjer Sýmıda Seı.
Otandyq týrısik nysandar daǵdarysty eńserý boıynsha praktıkalyq keıstermen jáne osy kezeńde bıznesti damytý joldarymen bólisti. KITF kórmesiniń iskerlik baǵdarlamasy Týrızm úshin eń ózekti máselelerdi qozǵady. «Dóńgelek ústelder», tusaýkeserler jáne taqyryptyq semınarlar uıymdastyryldy.
«Almatyda uıymdastyrylyp jatqan kórmege qatysqanymyzǵa kóp jyl boldy. Degenmen, 2018 jyldan bastap Túrkistan óz aldyna qala bolǵandyqtan, týrızmge kóńil bóline bastady. Mádenı nysandardyń arqasynda týrızmge degen kózqaras ta ózgere bastady. Týrısik ınvestısıalyq jobalar júzge asyryla bastady. Saıahatshylardyń da sany arta bastady. 2022 jyly 252 myń týrıs kelgen. Jyl saıyn saıahatshylardyń sany artyp keledi. Bul týrıserdiń qyzǵýshylyǵy Túrkistanǵa arta bastaǵanyn kórsetedi. Bizde tarıhı, mádenı eskertkishter óte kóp. Budan bólek, emdik saýyqtyrý oryndaryn da aıta ketsek bolady», – deıdi Túrkistan oblysy mádenıet jáne týrızım basqarmasynyń basshysy Nurdáýlet Medeýov.
Elimizdiń ár óńirinen kelgen mamandar sheteldikterge qazaq halqynyń turmys-tirshiligin, salt-dástúrin tanystyrdy. Otandyq jáne sheteldik iri týrkompanıalar men salalyq qaýymdastyqtar tájirıbelerimen jáne josparlarymen bólisti.
«Biz Almaty oblysy Qonaev qalasynyń ásem tabıǵatyn tanystyrý maqsatynda qatysyp otyrmyz. Sondaı-aq, qazaq halqynyń salt-dástúrin, ulttyq oıyndaryn, kóshpeli mal sharýashylyǵymen aınalysqanda qalaı ómir súrgendigin «Ǵundar» etnoaýylyna shaqyrý aryly kórsetpekpiz. Bul jerden ár aýyldan jınalǵan qyz-jigitterdiń ónerin kórýge bolady. Iaǵnı «Jigittik óner (Djıgıtovka)», «Ashamaıǵa mingizý», «Qyz qýý», «Kókpar» oıyndaryn kórsetemiz. Budan bólek, konkýrstan ótken jastar «Sarbaz rýhy» komandasyna qabyldanady. Ol jerde halqymyzdyń ulttyq bolmysyn boıyna sińirgen jastardyń basyn qosamyz», – deıdi «Ǵundar» etnoaýylynyń jetekshisi Aısha Shákenova.