Senator búdjetten qarjy surady.
Depýtat Murat Baqtıaruly osylaı dep dabyl qaǵyp otyr. Óıtkeni aldaǵy 3 jylǵa arnalǵan respýblıkalyq búdjette bul máseleni retteýge qarjy qarastyrylmaǵan. Al Araldyń qazirgi jaǵdaıy qaýipti, dep habarlaıdy Almaty-akshamy.kz
Osydan 17 jyl buryn Araldy qutqarý úshin Kókaral bógeti salynǵan. Alaıda onyń 200 metrin sý shaıyp ketken. Ýchaske qazir shuǵyl jóndeýdi qajet etedi. Jobanyń smetalyq qujattamasy daıyn. Quny da belgili. 4,5 mlrd teńgege jýyq qarjy kerek. Osydan 3 jyl buryn Prezıdent Kókaral bógetin nyǵaıtýǵa qatysty tapsyrma bergen. Biraq, bul de eskerýsiz qaldy dep otyr senator.
"Eger sý ketetin bolsa, onda Qyzylorda oblysynyń oblys bolyp turýy da neǵaıbyl. Ókinishke oraı, Úkimet 500 mln ǵana aqsha bóldi. 2023-2025 jylǵy búdjette bul aqsha joq. Bir jyldyń kóleminde ony sheshimge alyp, tıisti qarajatty bólmeıtin bolsa, onda Kishi Aral teńizin ustap turý múmkin emes, mamandar da solaı deıdi", - dedi QR Parlamenti Senatynyń depýtaty Murat Baqtıaruly.