«Almaty Polytechnic College-niń KIROSHI» komandasy Nıderlandydaǵy halyqaralyq FTC chempıonatynda úlken jetistikterge qol jetkizdi
Nıderlandıanyń Gaaga qalasynda robototehnıka salasyndaǵy eń bedeldi jarystardyń biri – FIRST Tech Challenge (FTC) halyqaralyq chempıonaty ótti. Bul biregeı shara álemniń túkpir-túkpirinen kelgen talantty komandalardy jınap, olardy joǵary tehnologıalyq robottardy jasaý, baǵdarlamalaý jáne basqarý boıynsha synǵa tústi. Qazaqstandy bul chempıonatta Almaty Polytechnic College-niń KIROSHI komandasy laıyqty túrde tanytyp, daıyndyqtyń joǵary deńgeıin, ınovasıalyq oılaýdy jáne komandalyq rýhty kórsetti.
FIRST Tech Challenge – bul jaı ǵana jarys emes, bul jas ınjenerler men baǵdarlamashylarǵa kúrdeli tehnıkalyq máselelerdi shynaıy jaǵdaılarda sheshý arqyly ózin kórsetýine jasalyp otyrǵan múmkindik. Bıylǵy jarys shartyna saı, qatysýshylar robottyń avtomattandyrylǵan qozǵalysyn, nysandarmen árekettesýin jáne aláns quramyndaǵy basqa komandalarmen úılesimdi jumysyn qamtıtyn birneshe oıyn tapsyrmalaryn tıimdi oryndaı alatyn robot jasaýǵa tıis boldy. Bul jetistikter komanda músheleriniń joǵary ınjenerlik jáne baǵdarlamalyq daǵdylaryn, sondaı-aq halyqaralyq deńgeıdegi básekelestik jaǵdaıynda jumys isteý qabiletin kórsetedi. FIRST Tech Challenge halyqaralyq chempıonaty Almaty Polytechnic College tarıhyndaǵy mańyzdy kezeńderdiń birine aınaldy. Bul kolej stýdentteriniń kúrdeli ınjenerlik mindetterdi sheshe alatynyn jáne óz elin halyqaralyq arenada laıyqty túrde tanyta alatynyn taǵy bir ret dáleldedi.