Ulttyq kınony qoldaý ortalyǵy 2024 jylǵy ulttyq fılmder dep tanylýǵa úmitti kınojobalardy irikteý konkýrsyn jarıalaıdy.⠀
Kınojobalardy irikteý eki kezeńde júzege asady. Birinshi kezeń – fılmderdiń senarıin nemese senarı josparlaryn qaraý. Ekinshi kezeńde taqyryptyq josparǵa saı keletin, saraptama keńesi iriktegen jobalardyń qujattaryn jınaqtaý júzege asyrylady, dep habarlaıdy almaty-akshamy.kz.
Konkýrstyq irikteýdiń birinshi kezeńine qatysý úshin úmitkerler Ortalyqqa elektrondy túrde senarılerdi qaraýǵa ótinimdi, PDF formatynda senarılerdi, jeke basyn kýálandyratyn qujattardyń kóshirmesi men avtorlyq shartty, ótinish berýshi men senarı nemese senarı josparynyń avtory arasyndaǵy aldyn ala shartty jiberýi qajet. Ótinish berýshi fılmniń ár túri, oıyn fılmi, anımasıalyq fılm, derekti-hronıkaly fılmder boıynsha tek 2 senarı usyna alady.
Qujattar ortalyq saıtyndaǵy https://kazakhcinema.kz/kz/konkurs_2024 siltemesi arqyly 12 sáýir men 18 sáýir kúnderi, saǵat 18:00 deıin qabyldanady.
Ortalyq qujattardy qabyldaý aıaqtalǵannan keıin ótinish berýshiler usynǵan qujattardy Saraptama keńesiniń qaraýyna engizedi.
Aıta keteıik, konkýrstyq irikteýge qatysý quqyǵyna ıe bolý úshin úmitkerlerdiń salyq beresheginiń bolmaýy, bankrottyq rásimge tartylmaýy mańyzdy.