Eger siz jeńildik sanatynyń ókili bola turyp, memlekettik baj salyǵyn qatelesip tóleseńiz, bul jaǵdaıda aqshańyzdy qaıtara alasyz.
HQKO-larda qujattandyrý qyzmetterin alý kezinde Salyq kodeksine sáıkes, klıentterdiń belgili bir sanaty memlekettik baj tóleýden bosatylady, dep habarlaıdy Almaty-akshamy.kz
Qujattandyrý qyzmetteriniń qatarynda pasport, jeke kýálik, turý yqtıarhaty jáne azamattyǵy joq adamnyń kýálikterin berý bar. Kodekstegi 622-bap, 4-tarmaq boıynsha memlekettik baj tóleýden bosatylatyndar:
- UOS ardagerleri jáne olarǵa teńestirilgen tulǵalar;
- Keńes odaǵynyń batyrlary jáne Sosıalısik eńbek erleri;
- barlyq toptaǵy múgedekter, sondaı-aq múgedek balanyń ata-anasynyń biri;
- múgedekter men qarttarǵa arnalǵan mekemelerde turatyn egde jastaǵy adamdar;
- jetim balalar jáne balalar úılerinde nemese ınternattarda turatyn, ata-anasynyń qamqorlyǵynsyz qalǵan balalar;
- «Batyr Ana» ataǵyna ıe bolǵan, «Altyn alqa» jáne «Kúmis alqa» tósbelgilerimen nagradtalǵan kópbalaly analar;
- Chernobyl apatynyń saldarynan zardap shekken azamattar», - dep jazdy vedomstvodan.
Bul sanattaǵy tulǵalar pasport nemese jeke kýálik alý úshin HQKO-ǵa júgingen kezde memlekettik baj tólemeýi tıis.
«Eger siz jeńildik sanatynyń ókili bola turyp, memlekettik baj salyǵyn qatelesip tóleseńiz, bul jaǵdaıda aqshańyzdy qaıtara alasyz. Ol úshin, eń aldymen, İİM aýmaqtyq organyna júginip, jeńildik sanatyn rastaıtyn qujatty usyný qajet. Organ sizge tólengen túbirtektiń talap etilmegeni týraly anyqtama beredi. Bul anyqtamamen HQKO-ǵa júginý kerek nemese sommany qaıtarý úshin eGov arqyly ótinim berý qajet. Ótinish qabyldanǵannan keıin 5 jumys kúni ishinde klıenttiń shotyna qate tólengen soma túsedi», - dep túsindirilgen habarlamada.