Órt-tilsiz jaý!
Búgin tańǵy saǵat 5:49-da Medeý aýdanyndaǵy Kimasar shatqaly baýraıynda qurǵaq shóp janǵany týraly habarlama kelip tústi, dep habarlaıdy Almaty-akshamy.kz.
Oqıǵa ornyna TJD tabıǵı órtterdi joıý boıynsha birlesken arnaıy quramy - 36 adam, 9 birlik tehnıka jáne "İle Alataýy" MUTP - qyzmetkerleri dereý jiberildi.
Taýly tik betkeılerge baılanysty órt sóndirý tehnıkasyn jumyldyrýyna kedergi keltirdi. Osyǵan baılanysty joǵarydaǵy taý shatqalynyń janý oshaǵyna órt sóndirýshiler jaıaý kóterilýine týra keldi. Sonymen qatar, qurǵaq shóptiń 500 sh.m alańynda jeke oshaqtar bolyp janýy anyqtaldy.
Órtti sóndirý úshin «Ermak» aspaly órt sóndirgishteri, shansty quraldar (shartyldaqtar, kúrekter) qoldanyldy. Tutaný ornynda jer jyrtylyp, der kezinde qabyldanǵan sharalar nátıjesinde órt 07:39-da oqshaýlandy.
TJD taýly-ormandy jerlerde órt qaýpiniń joǵary bolýyna baılanysty qala turǵyndary men qonaqtarǵa ashyq otty paıdalanýdan, ot jaǵýdan, temeki shegýden jáne qurǵaq shóp pen orylǵan shópti jaǵýdan bas tartýdy surap, qaýipsizdik sharalaryn saqtaýǵa shaqyrdy.
QR Ákimshilik kodeksi 367-babynyń 3-bóligine sáıkes, erekshe qorǵalatyn tabıǵı aýmaqtarda órt qaýipsizdigi talaptaryn buzǵany úshin jeke tulǵalar 100 AEK - 291 myń 700 teńge mólsherinde aıyppul túrinde ákimshilik jaýapkershilikke tyrtylady . Aýyr zardaptar týyndaǵan jaǵdaıda kináli tulǵalar qylmystyq jaýapkershilikke tartylady.