Polısıa demalysqa baratyn almatylyqtarǵa osyndaı keńes berdi.
Qala polısıasynyń resmı ókili Saltanat Ázirbek ońtústik astananyń turǵyndaryna óz múlkin qorǵaý úshin qarapaıym erejelerdi saqtaý kómektesetinin aıtty, dep habarlaıdy aqshamnews.kz
"Qylmyskerler de jelini baqylap otyrady, olar ınternet keńistikpen jaqsy tanys. Máselen, kópshilik aldynda júrgen tulǵanyń "biz 10 kúndik demalysqa kettik" degen aqparaty, ol úshin "úıde eshkim joq, kilt tósenishtiń astynda" degendi bildiredi",- dedi ol.
Osylaısha, spıker almatylyqtardy aqparattyq qaýipsizdikke shaqyrdy.
"Kiltterdi burynǵydaı gúlderdi sýarý, úı janýarlaryn tamaqtandyrý úshin kórshilerge qaldyryp ketpeý kerek. Búginde ár nársege qyraǵylyq tanytqan jón. Eger páter tómengi qabattarda bolsa, terezelerdi tormen jabyqtaǵan mańyzdy jáne eń qarapaıym dabyl júıesin ornatý da artyq etpeıdi",- dep atap ótti Saltanat Ázirbek.