Pavlodar oblysynyń turǵynynan quny 2 mlrd teńge bolatyn kıik múıizderi tabyldy
Múıizderdi oblystyq PD-nyń UQQKB men UQKD qyzmetkerleri tárkiledi, dep habarlaıdy Almaty-akshamy.kz.
Polisia.kz málimetine saı, ustalǵan Aqsý qalasynyń 49 jastaǵy turǵynynyń garajyn tintý kezinde kıik múıizderi saqtalǵan 8 jáshik tabyldy. Jalpy salmaǵy 170 kelige jýyq bolatyn Qyzyl kitapqa engen janýardyń 800-ge jýyq múıizi tárkilendi.
«Osy fakti boıynsha QR QK-niń 339-babynyń 1-1-bóligi boıynsha sotqa deıingi tergeý bastaldy. Kúdiktige qatysty kelý týraly mindetteme túrindegi bultartpaý sharasy tańdaldy. Birqatar saraptama taǵaıyndaldy, sonyń ishinde bıologıalyq jáne trassologıalyq. Ustalǵandardyń memleketke keltirgen zıany shamamen 2 mlrd teńgeni qurady», - dedi Pavlodar oblysy PD bastyǵy Vasılıı Sklár.