Kıik popýlásıasyn retteý sharalaryna 40-qa jýyq maman tartylyp otyr, dep habarlaıdy aqshamnews.kz ákimdiktiń resmı saıtyna silteme jasap.
Olardan 4 arnaıy brıgada jasaqtaldy. Ár brıgadaǵa 3 tehnıka berildi.
"Aýlanǵan kıik eti arnaıy belgilengen et óńdeý kásiporyndaryna jetkiziledi. Atap aıtqanda, bul ónimderdi "Kýbleı" JSHS, "Jeńis" JK, "Batys-Nyq" JSHS jáne "Haırov" JK qabyldaıdy. Bolashaqta taǵy basqa et kombınattarynyń da bul iske atsalysýy josparlanyp otyr", - deıdi orman sharýashylyǵy jáne janýarlar dúnıesi aýmaqtyq ınspeksıasynyń basshysy Nurlan Rahymjanov.
Bıylǵy avıasıalyq esepke sáıkes, Batys Qazaqstan oblysynda kıikterdiń jalpy sany 2,3 mln basqa jetken. Ǵalymdar ázirlegen bıologıalyq negizdemege sáıkes, onyń tek 20 paıyzyna, ıaǵnı 460 myńǵa deıin ǵana retteý júrgizýge bolady. Bul jumystar 30 qarashaǵa deıin jalǵasady.