Dúnıejúzilik densaýlyq saqtaý uıymy elderge temeki, alkogól jáne tátti sýsyndar baǵasyn keminde 50%-ǵa kóterýdi usyndy, dep habarlaıdy aqshamnews.kz
Digital Business málimetinshe, «3-ten 35-ke deıin» dep atalatyn bastama temeki shegý, alkogól ishý jáne qantty shamadan tys tutynýmen baılanysty sozylmaly aýrýlardan bolatyn ólim-jitimdi azaıtýǵa baǵyttalǵan. Qazir mundaı aýrýlar búkil álem boıynsha ólim-jitimniń 75%-dan astamyna sebep bolyp otyr. DDU zıandy ónimderdiń baǵasyn 50%-ǵa kóterý aldaǵy 50 jylda 50 mıllıon adamnyń ómirin saqtap qalýy múmkin ekenin málimdedi.
Qazaqstanda temekiniń bir qaptamasy búginde shamamen 1000–1100 teńge turady. Salyqtyń ósýi bul baǵany 2000 teńgege deıin kóterýi yqtımal. 2025 jylǵy 1 shilde men 31 jeltoqsan aralyǵynda temekiniń bólshek saýdadaǵy baǵasy 920 teńge bolyp bekitildi. Al 2026 jylǵy 1 qańtardan bastap baǵa taǵy ósip, 970 teńgege jetpek.