Aýyl sharýashylyǵy mınıstri Aıdarbek Saparov málimdeýinshe, kıik etiniń baǵasy on kúnnen keıin belgili bolady, dep habarlaıdy aqshamnews.kz
Jýyrda Batys Qazaqstan oblysynda kıik aýlaý resmı túrde bastalǵan bolatyn. Aýlanǵan kıik eti arnaıy belgilengen et óńdeý kásiporyndaryna jetkiziledi. Osyǵan baılanysty jýrnalıser ASHM basshysynan kıik eti halyqqa qansha teńgeden satylatynyn surady.
«Bul jumys endi ǵana bastaldy, munymen Ekologıa mınıstrligi aınalysyp jatyr. Bizdiń mindet – et kombınattarymen qamtamasyz etý. Búginde osyndaı 18 kásiporyn tirkelgen, ol jerde veterınarlar jumys isteıdi. Etti qandaı baǵamen qabyldaıdy, qalaı satady, logıstıka jaǵy – osynyń bárin esepteý kerek. Bir apta nemese 10 kúnnen keıin bir keli ettiń baǵasyn aıtamyz dep oılaımyn», dep jaýap berdi Saparov.