Bostandyq audanynda «Halyq qatysatyn byudjet» ayasynda qoǵamdyq keńístíkter men aula aumaqtary abattanyp jatyr
Bostandyq audanynda qoǵamdyq keńístíkterdí abattandyryp, jaıly qalalyq ortany qalyptastyru baǵytynda júıelí jūmys ístelíp jatyr. Óńírlík kommunıkatsıyalar qyzmetínde ótken baspasóz konferentsıyasynda audan ákímí Sanjar Álın osy jūmystyń barysyn bayandap berdí.
Tūrǵyt Ozal kóshesínen Baızaqov kóshesíne deıíngí jayau júrgínshíler aımaǵy, Abaı dańǵyly men Sátbaev kóshesíníń aralyǵyndaǵy Jeltoqsan kóshesí boıy, Abaı men Gagarın dańǵylynyń qıylysyndaǵy alań men Gagarın dańǵyly boıyndaǵy bulvar da abattanǵan. Onda balalar men sport alańy, jańa oryndyq ornatylyp, jaryq qoıylyp, kógaldandyru jūmysy júrgízíldí.
Bıyl aqpan aıynda Nazarbaev dańǵyly boıyndaǵy būrynǵy rezıdentsıyanyń ornynda jańa alań salyna bastady. Audan ákímdígíníń málímetínshe, būl alań qala tūrǵyndarynyń seruendep, taza auada demaluyna arnalmaq. Jūmys 2025 jyldyń qazan aıynda ayaqtalady.
2026 jyldyń sáuír aıynda ūzyndyǵy 5,7 shaqyrym bolatyn Úlken Almaty ózeníníń jaǵalauyn (plotınadan bastap Abaı dańǵylyna deıín) qaıta jańalau jūmystary da ayaqtalyp qalmaq. Joba ayasynda beton tíreuísh qūrylymdar jańartylyp, jayau júrgínshí kópírí, balalar men sport alańdary, kóshe jıhazdary ornatylyp, velosıped joly salynady.
«Jyl sońyna deıín bíz «Atakent» Kórme ortalyǵynyń aınalasyn abattandyryp, jańa «Ońtústík» sayabaǵyn salu sıyaqty ekí úlken jobany íske asyramyz. Būl audannyń jasyl ınfraqūrylymyn keńeıtíp, tūrǵyndarǵa sapaly qoǵamdyq keńístík ūsynuǵa múmkíndík bermek», – dedí Sanjar Álın.
Su būrqaǵyn jańartuǵa da nazar audarǵan. Mamyr aıynda Respublıka alańy men qalalyq ákímdíktíń aldyndaǵy alańnyń janyndaǵy fontandar kúrdelí jóndeuden ótedí. Būl jūmystar 2025 jyldyń qazan aıynda ayaqtalady.
«Qalalyq ákímdíktíń qoldauynyń arqasynda Ermensaı shaǵyn audanyndaǵy Kerenqūlaq ózeníníń arnasyn abattandyruǵa arnalǵan jobalyq-smetalyq qūjattama ázírleníp jatyr. Būl jerde Tereńqūrǵa ūqsas demalys aımaǵy jasalady. Jobany júzege asyru 2026 jylǵa josparlanǵan», – dep tolyqtyrdy audan ákímí.
Bostandyq audanynda «Halyq qatysatyn byudjet» (HQB) baǵdarlamasy ayasynda da jobalar tabysty júzege asyrylyp jatyr. 2024 jyly jalpy somasy 2,8 mlrd teńgege 50 joba íske asyryldy (onyń íshínde 14 joba – balalar men sport alańdaryn jóndeu, 15 – qoǵamdyq keńístíkterdí abattandyru, 13 – avtosuaru júıesín ornatu, 6 – jaryqtandyru, 2 – aryq júıesín salu men abattandyru). 2025 jylǵa 2 mlrd teńge bólíníp, tūrǵyndar dauys bergen 26 jobany íske asyru bastaldy.
«HQB ayasynda júzege asyrylyp jatqan mańyzdy jobanyń bírí – Toraıǵyrov kóshesín Saıyn kóshesínen bastap Ábísh Kekílbaıūly kóshesíne deıín abattandyryp shyǵu. Mūnda balalar men sport alańdary, velojoldar, kóshe jıhazdary men kameralary bar jańa úlgídegí jayau júrgínshíler aımaǵy jasalady. Sondaı-aq būl aumaqqa 1 500-den astam būta pen 500 túp aǵash egudí de josparlap otyrmyz», – dedí Sanjar Álın.
Sóz sońynda audan ákímí 2025 jyly Bostandyq audanynda 70 aula abattanǵanyn atap óttí.