Kıikterdi 2025 jylǵa deıin satýǵa tyıym salǵan konvensıa bar
Bıyl Qazaqstandaǵy kıikterdiń jalpy sany 1 mln 300 myńǵa jetti. Bul aýyl sharýashylyǵy alqaptarynyń búlinýine ákep soqty, dep habarlaıdy Almaty-akshamy.kz QazAqparatqa silteme jasap.
QR Ekologıa, geologıa jáne tabıǵı resýrstar mınıstrligi orman sharýashylyǵy jáne janýarlar dúnıesi komıtetiniń basqarma basshysy Qýat Shýmaqaevtyń aıtýynsha, Batys Qazaqstan, Aqmola jáne Qostanaı oblystarynyń fermerlerinen shaǵym túsken.
Onyń aıtýynsha, Zoologıa ınstıtýty kıikterdiń sanyn ári qaraı retteý boıynsha ǵylymı-bıologıalyq negizdeme daıyndady. B ul másele boıynsha túpkilikti sheshim 7 shildede jarıalanady. Qýat Shýmaqaev kıikterdi jappaı atýǵa jol berilmeıtinin aıtty.
«Tájirıbe kórsetkendeı, 1975 jyly jalǵyz ret áýesqoılyq atý júrgizilgen jáne ol kıik sanynyń kúrt tómendeýine jáne brakonerliktiń artýyna alyp keldi. Ǵylymı uıym at jumystaryn retteýdi syltaýratyp kıik aýlaýǵa nıet bildirgen barlyq ańshylarǵa emes, orman sharýashylyǵy komıtetine baǵynyshty mamandandyrylǵan uıymnyń júrgizýin usynady», - dedi ol.
Spıker keltirgen derekter boıynsha, bıologıalyq negizge sáıkes, aldyn ala atý paıyzy Oral popýlásıasy jalpy sanynyń 10% – 80 myń bas, betpaqdala popýlásıasynyń 2,5% nemese 9-10 myń kıikti kórsetip otyr. Ol kıikterdi 2025 jylǵa deıin satýǵa tyıym salǵan konvensıa bar ekenin eske saldy. Ony Qazaqstan aýmaǵynan tys jerlerge shyǵarý máselesi turǵan joq.