Jyl basynan beri Kids go free baǵdarlamasy arqyly 600-den astam bala tegin ushaq bıletimen qamtyldy.
El ishindegi saıahatty tańdaǵan 300-den astam qazaqstandyq otbasy 26 mln teńgege deıin únemdedi, dep habarlaıdy Almaty-akshamy.kz.
Kids go free – Mádenıet jáne sport mınıstrligi ázirlegen otbasylyq týrızmge arnalǵan baǵdarlama.
Inform.kz-tiń aqparatyna súıensek, qazaqstandyqtar týrısik operatordan el ishindegi baǵyttar boıynsha týrısik paket satyp alǵanda 2 jastan 17 jasqa deıingi balalarǵa tegin avıabılet ala alady. Baǵdarlama aıasynda orta eseppen bir týrda eki bala saıahattaıdy.
Máselen, maýsym aıynda eń tıimdi saıahat Astana – Shymkent – Astana baǵyty boıynsha tirkelgen. Birden 3 nemese odan da kóp balasy bar 3 otbasy josparlanǵan búdjettiń 40 paıyzynan astamyn únemdegen.
«Baǵdarlama boıynsha saıahattaý ońaı ári qoljetimdi. Ol úshin kids.gofree.kz saıtyna kirý kerek. Keńes alyńyz jáne otbasyńyzǵa sáıkes keletin týr paketin tańdańyz. Qajetti qujattardy usynyp, týr paketin satyp alý úshin kelisimshart jasańyz jáne balalaryńyz úshin tegin áýe bıletin alyńyz», - deıdi MSM Týrızm ındýstrıasy komıtetiniń tóraǵasy Dastan Ryspekov.