Aýyl sharýashylyǵy maqsatynda paıdalanylatyn jaıylymdyq jerlerdiń 40 paıyzy nashar jaǵdaıda.
Mundaı derekter ǵaryshtyq monıtorıń nátıjesinde belgili boldy, dep habarlaıdy Almaty-akshamy.kz QazAqparatqa silteme jasap.
«Byltyr kóktemde Qazaqstannyń 60 aýdany boıynsha jaıylymdyq alqaptardyń 26,2%-y óte nashar jáne 33,4%-y nashar jaǵdaıda ekeni anyqtaldy», - dedi Aeroǵarysh komıtetiniń tóraǵasy Baýbek Oralmaǵambetov Ortalyq komýnıkasıalar qyzmetinde ótken brıfıńide.
Al bıyl kóktem mezgilinde júrgizilgen monıtorıń qorytyndysy negizinde jaıylymdyq jerlerdiń jaı-kúıi mynadaı:
- 40% jaıylymdyq jerdiń jaǵdaıy óte nashar;
- 4 mln gektar jaıylym jer qatty dárejede degradasıalanǵan;
- ósimdikterdiń ortasha ónimdiligi gektaryna 4,6 sentner.