Jambyl oblysy polısıa departamentiniń kıberqylmysqa qarsy kúres qyzmeti oblystyq prokýratýramen birlesip, 33 jastaǵy Reseı Federasıasynyń azamatyn ustady.
Ol Almaty qalasyndaǵy saýda ortalyqtarynda jábirlenýshilerdiń bank shottarynan aqsha urlaýǵa baǵyttalǵan alaıaqtyq sqemaǵa qatysy bar degen kúdikke ilindi, dep habarlaıdy aqshamnews.kz
Taraz qalasynyń polısıa basqarmasyna zeınetker áıel shaǵymdanyp, belgisiz bireýdiń aldaý jolymen onyń 13,2 mln teńge qarajatyn ıemdenip alǵanyn málimdegen. Qylmysker ınternet-resýrstardy paıdalanyp, zeınetkerdiń bank shotyna qatysty alaıaqtyq áreketter jasaǵan. Kúdikti Qazaqstan aýmaǵynan shyǵyp ketpek bolǵan kezinde quryqtaldy. Atalǵan fakti boıynsha QR Qylmystyq kodeksiniń 190-baby 3-bóligine (alaıaqtyq) sáıkes sotqa deıingi tergeý bastaldy.
Qazirgi tańda tergeý sharalary júrgizilip, qylmystyń barlyq mán-jaıy anyqtalýda. Sonymen qatar kúdiktiniń basqa da qylmystarǵa qatystylyǵy tekserilip jatyr.