Erte pisken jemister men kókónister organızmge qaýipti bolýy múmkin.
Elordanyń bas memlekettik sanıtarıalyq dárigeri Sarqyt Beısenova jemis-jıdekterdi qalaı tańdaý jóninde keńes berdi, dep habarlaıdy Almaty-akshamy.kz Elorda.info saıyna silteme jasap.
Elordanyń bas sanıtarynyń aıtýynsha, erte pisken jemister men kókónister organızmge qaýipti bolýy múmkin. Olardy paıdalanbas buryn muqıat jýý jine birneshe saǵat boıy sýǵa salyp qoıý kerek. Jemister men kókónister nıtrattarǵa toly. Al sý olardy joıady.
«Sondaı-aq múmkindiginshe olardy qaınatylǵan túrde tutynýǵa keńes beremiz. Jemister men jıdekterdi talapqa saı emes jerden satyp alýǵa bolmaıdy. Ónim mindetti túrde shatyrdyń astynda ornalasýy kerek. Al qarbyz ben qaýyn jerde emes, arnaıy qaǵazdardyń ústinde jatýy tıis. Sondaı-aq kesilgen qarbyzdy jáne jol boıynda satylatyn jemisterdi satyp almaǵan durys», - dedi ol Komýnıkasıalar qyzmetinde ótken brıfıń barysynda.