Densaýlyq saqtaý mınıstri jańa erejeni túsindirdi.
Mınıstrdiń aıtýynsha, jańa erejeler boıynsha qoǵamdyq talqylaý jaqynda ǵana aıaqtalǵan, qujat áli bekitilmegen, dep habarlaıdy aqshamnews.kz
Jańa erejege sáıkes, 4-sanattaǵy naýqastar jumys kúnderi jáne senbi kúnderi saǵat 08:00-den 20:00-ge deıin ǵana jedel járdem shaqyra alady.
Qalǵan ýaqytta olar medısınalyq mekemelerdiń jedel járdem bólimine óz betinshe barýy qajet.
"Bastapqyda buıryq jobasynda jedel medısınalyq járdem qyzmeti 1, 2 jáne 3 sanattaǵy naýqastarǵa táýlik boıy qyzmet kórsetetini jáne jumys isteıtini aıtylǵan. Al 4-sanattaǵy naýqastarǵa alǵashqy medısınalyq-sanıtarlyq kómek kórsetiledi. Medısınalyq kómek kórsetýdiń qoljetimdiligi men jyldamdyǵyn qamtamasyz etý maqsatynda 4-sanattaǵy naýqastardy túngi ýaqytta jedel medısınalyq járdem stansıasyna kóshirý, al polıklınıkalarda jumys ýaqytyn saǵat 08:00-den 20:00-ge deıin qaldyrý usynylady",-dedi Álnazarova.