Facebook qoldanýshysy Aıda Sasybaeva Qyrǵyzstan prezıdenti Sadyr Japarovtan qyrǵyzdarǵa til tıgizgeni úshin keshirim suraýdy talap etti, - dep habarlaıdy Almaty-akshamy.kz 24.kg saıtyna silteme jasap.
Aıda Sasybaeva prezıdenttiń qyrǵyzdardy jalqaý dep ataǵany unamaǵanyn atap ótti.
«Bul meniń ulttyq ar-namysyma tıedi, men sizden keshirim suraýdy talap etemin. Ózińizdiń abaısyzda aıtqan sózińizben meniń elime, halqymnyń bedeline nuqsan keltiresiz. Osyndaı kemsitetin sıpattama kesirinen basqa elderde biz týraly jaǵymsyz pikir týyndaýy múmkin. Sonymen qatar, mundaı kózqaras balalarǵa teris áser etedi, balalardyń ózin, ata-anasyn, týystaryn jáne tutastaı alǵanda búkil halyqty qabyldaýyn buzady», - dep jazdy ol.
Aıda Sasybaeva prezıdent «oılanyp, kópshilik aldynda keshirim suraıdy» degen úmitin bildirdi.
«Áıtpese, men barlyq áleýmettik jelilerde fleshmob jarıalaýǵa májbúr bolamyn. Bul aksıaǵa jetkilikti adam qosylǵanda, ereýildi bastaıtyn kúndi anyqtaımyz», - dedi ol.
Eske salaıyq, buǵan deıin Sadyr Japarov Kólik jáne komýnıkasıa mınıstrligine jol tehnıkasyn tapsyrý rásiminde qazaq pen qyrǵyz - jol salýshylar týraly ázil aıtqan bolatyn. Budan keıin Japarov prezıdent ákimshiligine arnalǵan ǵımarat qyrǵyzdardyń jalqaýlyǵynan baıaý salynyp jatqanyn atap ótti.