Elordada «Kenesary han» atty kitaptyń tusaýy kesildi.
Jınaqqa nar tulǵa jáne onyń qasynda júrgen Naýryzbaı, Sarjan, Esengeldi syndy jaýjúrek batyrlardyń qaharmandyǵyn sýretteıtin ańyz-áńgimeler men tarıhı jyr-dastandardyń tańdaýly úlgileri toptastyrylǵan, dep habarlaıdy Almaty-akshamy.kz Qazqtv.com saıtyna silteme jasap.
Tyń eńbekte Kenesarynyń hanǵa laıyq bekzat bolmysy, elin qorǵaý jolyndaǵy joryqtary, sońynan ergen jaýyngerler beınesi shynaıy ári kórkem baıandalady. Aıta keteıik, el arasynda onyń taǵlymdy ómiri men azattyq jolyndaǵy shaıqastaryn jyr etken ańyzdar az emes. Alǵashqy nusqalary HİH ǵasyrdyń basynda hatqa túse bastaǵan. Tyń eńbekte muraǵattyq derekter de keńinen qamtylǵan.
"Tarıhı negizde jazylǵan bizdiń ǵalymdarymyzdyń, bizdiń tarıhshylarymyzdyń, bizdiń akademıkterdiń Kenesary Qasymulynyń erligin, ómirin zerttep júrgen ǵalymdardyń ǵylymı negizdelgen, arhıv derekterine negizdelgen materıaldar jaryq kórip jatyr. Sondyqtan bul ýaqytynda shyǵyp jatqan qundy eńbek, keler urpaqqa kerek. Áli de óziniń jalǵasyn tabatyn eńbek dep esepteımin", - dedi QR Eńbek sińirgen qaıratkeri Jabal Erǵalıev.