Bul - BUU bitimgerlik operasıalaryndaǵy genderlik aspektiler boıynsha uıymdastyrylǵan kýrs.
Tórt kúndik sabaqtar Qazaqstandaǵy Kanada Elshiliginiń qoldaýymen Qorǵanys mınıstrliginiń bitimgerlik daıyndyq ortalyǵynda uıymdastyrylyp jatyr, dep habarlaıdy Almaty-akshamy.kz.
«Bul kýrstyń maqsaty Birikken Ulttar Uıymynyń beıbitshilikti qoldaý jónindegi mısıalarynda ulttyq kontıngenttiń jeke quramynyń genderlik problematıka salasynan habardar bolýyn arttyrý bolyp tabylady», - delingen Qorǵanys mınıstriginiń baspasóz qyzmetiniń habarlamasynda.
Oqý baǵdarlamasyn ortalyq nusqaýshylary ázirlegen jáne «BUU-áıelder» qurylymynyń sarapshylarymen birlesip ótkiziledi.
Genderlik máseleler Birikken Ulttar Uıymynyń bitimgerlik qyzmetiniń atap aıtqanda, ulttyq bitimgerlik kontıngentterdi daıarlaý prosesiniń ózekti jáne ajyramas bóligi bolyp tabylady.
Qazaqstan Respýblıkasy BUU-nyń genderlik saıasat salasyndaǵy usynymdaryn basshylyqqa ala otyryp, áskerı qyzmetshi áıelderdi bitimgerlik mısıalarǵa qatysýǵa turaqty túrde jiberip otyratynyn atap ótý qajet.