Kún jylysymen kópshilik bos ýaqytyn, demalysyn dalada, tabıǵat aıasynda ótkizgendi jón sanaıdy. Orman-toǵaı, saıabaq aýmaǵynda kóktem saıyn belsendili arta túsetin qaýipti jándik - keneler.
Kúnniń jylynýymen birge tabıǵat ta jandanyp, adamǵa jybyrlaǵan qurt pen jándikterden tónetin qaýip te kúsheıedi. Ásirese, Keneni kóktemde jáne jazda tabıǵatta, ásirese ormanda «Juqtyryp alý» qaýpi kópshilikke belgili. Qandaı saqtyq sharalaryn qoldaný kerek jáne ózińizdi jáne jaqyndaryńyzdy qalaı qorǵaýǵa bolady?
Bul mezgilde qys boıy ashyqqan keneler kún jylysymen qorek izdep, zıany tek janýarlarǵa ǵana emes, adamǵa da zor qaýip tóndiredi. Negizinen kenelerdiń qaýip tóndirý kezeńderi jyl mezgiliniń kóktem aılarynan bastap jazdyń sońǵy aılaryna deıin ulasady.
DSM kene ensefalıtinen qalaı saqtanýǵa bolatynyn aıtyp, eskertý jasady, dep habarlaıdy aqshamnews.kz.
Keneler únemi aýrýdyń tasymaldaýshysy bola bermeıdi - kóp jaǵdaıda olardyń shaǵýy zıansyz, biraq keıbireýleri ártúrli aýrýlardy, sonyń ishinde kene ensefalıtin tasymaldaýy múmkin.
Kene ensefalıti kelesideı beriledi:
- vırýs juqtyrǵan ıksod kenesi jabysqan kezde;
- kenelerdiń jappaı shabýyly kezinde eshkilerdiń, qoılardyń, sıyrlardyń shıki sútinde sırek jaǵdaıda vırýs bolýy múmkin;
- keneni janshyǵanda nemese shaqqan jerin qasyǵanda.
Kene ensefalıti aýrýynyń belgileri: jalpy álsizdik, bastyń aýrýy, júrektiń aınýy, qusý, tábettiń tómendeýi, dene temperatýrasynyń joǵarylaýy, kene shaqqan jerde gıperemıa.
Kene ensefalıtiniń profılaktıkasy:
Tabıǵatta demalý kezinde, saıajaıda jáne t. b. mynalar qajet:
uzyn jeńdi kóılek kıip, ony shalbarǵa, al shalbardy shulyqqa salyńyz. Bas pen moıyndy oramalmen, kapúshonmen jabyńyz;
mezgil-mezgil kıim men deneni ózińiz jáne ózara qarap-tekserińiz;
deneniń ashyq jerleri men kıimderdi repellenttermen óńdeńiz;
kene shaǵyp alǵan jaǵdaıda medısınalyq uıymǵa júginińiz.
medısınalyq kómekke júginý múmkindigi bolmaǵan kezde keneni ózińiz alyp tastańyz (kenege bir tamshy maı tamyzyp, pınsetpen nemese jippen, qozǵap, birtindep alyńyz;
Eger tumsyǵy teride qalsa, ony tiken sıaqty alyp tastańyz, shaqqan jerge ıod jaǵyp, qolyńyzdy muqıat jýyńyz).