Májilis depýtattary Salyq kodeksiniń jobasyn birinshi oqylymda maquldady.
Joba aıasynda salyqtar men basqa da mindetti tólemderdi, salyqtyq jeńildikter sanyn qysqartý, monıtorıńileý jáne taldaý boıynsha júıeli sharalar kózdelgen, dep habarlaıdy aqshamnews.kz.
Bank sektory (25%), oıyn bıznesi (25%), áleýmettik sala (10%) jáne aýyl sharýashylyǵy (3%) úshin korporatıvtik tabys salyǵynyń mólsherlemesi saralanady.
Bazalyq mólsherleme 20 paıyz deńgeıinde qalady.
Ǵımarattardy, qurylystardy, mashınalardy, jabdyqtardy, baǵdarlamalyq qamtylymdy satyp alý nemese salý kezinde ınvestısıalyq salyqtyq preferensıalar qarastyrylady. Jeke tulǵalarǵa salyq salý boıynsha Biryńǵaı jınaqtaýshy zeınetaqy qorynan zeınetaqy tólemderin jeke tabys salyǵynan bosatý usynylady. Respýblıkalyq búdjet týraly zańda belgilengen 30 aılyq eseptik kórsetkish mólsherinde jalaqydan bazalyq salyq shegerimin belgileý kózdeledi.
10 jyldan astam paıdalanylǵan avtomobılder úshin salyq somasy 30 paıyzǵa, 20 jyldan astam paıdalanylǵandarǵa 50 paıyzǵa tómendetiledi.
Al «Sán-saltanat» zattaryna (qymbat múlik, avtomobılder, alkogól jáne temeki ónimderi, teńiz kemeleri, ushý apparattary) joǵary salyq salý usynylady.