Almatylyqtar egeýquıryqtardyń kóbeıýine qatysty shaǵymdanyp jatyr
Áleýmettik jelilerde taraǵan Almatydaǵy egeýquıryqtardyń kóbeıýine qatysty Almaty qalasy energotıimdilik jáne ınfraqurylymdyq damý basqarmasy túsinikteme berdi, dep habarlaıdy almaty-akshamy.kz
«Egeýquıryqtar qala aýmaǵynda kóbeıip barady. Bul olardy ýlamaýdyń saldarynan», - delingen jazbada. Jeli qoldanýshylary egeýquıryqtardyń saıabaqtar men bazarlarda da kóptep kezdesetinin aıtýda.
Óz kezeginde Almaty qalasy energotıimdilik jáne ınfraqurylymdyq damý basqarmasy atalǵan eskertýge baılanysty Mámetova men Ýálıhanov kósheleri qıylysynda kemirgishterdi joıý jumystaryn júrgizýge tıisti tapsyrma berilgenin habarlady. Budan bólek, «Amanat Cleaning» JSHS merdiger uıymy deratızasıalyq jumystardyń birinshi kezeńin aıaqtaǵan.
«Bul jumystardyń ekinshi kezeńi bıyldyń qyrkúıek aıyna belgilendi. Iaǵnı osy jylǵy 30 qarashaǵa deıin jalǵasady. Qosymsha mobıldi brıgadalar tartyldy, olar turǵyndardyń shaqyrtýy boıynsha barady. Ótinimderdi Open Almaty portaly, áleýmettik jelidegi (basqarmanyń) paraqshalar men azamattardyń jazbasha shaqyrtýy boıynsha energotıimdilik jáne ınfraqurylymdyq damý basqarmasy qabyldaıdy», - delingen basqarma jaýabynda.