Búgin tańerteń Kemerovodaǵy Logovaıa tas jolynda oryn alǵan aýyr apat saldarynan 67 adam jaraqat aldy. Kemerovodan túsirilgen kadrlarda tramvaıdyń qatty jyldamdyqpen burylyp, esikteri qulap, birneshe jolaýshy jolǵa shyǵyp ketkenin kórýge bolady, dep habarlaıdy almaty-akshamy.kz
Tańǵy saǵat 07:30 shamasynda Logovaıa tas jolynda júrgen №10 tramvaı tejegish júıesiniń isten shyǵýyna baılanysty shamamen 80 km/saǵ jyldamdyqpen joǵarydan tómen quldılaǵan. Tramvaıdyń joǵary jyldamdyǵy saldarynan ishindegi jáne esik aldynda turǵan jolaýshylar jolǵa ushyp ketti.
Alǵashqyda 15 adamnyń jaraqat alǵany týraly habarlanǵan. Alaıda, shamamen bir saǵat ótken soń, tańǵy saǵat 9-dar shamasynda, QETK baspasóz qyzmeti men qalanyń barlyq jedel qyzmetteri oqıǵa ornynan 30 adam, onyń ishinde tramvaı júrgizýshisi de aýrýhanaǵa jetkizilgenin málimdedi.
Apattan zardap shekkenderdiń sany ýaqyt óte kele óse tústi. Qazirgi ýaqytta jaraqat alǵandardyń sany 67 adamǵa jetti. Abyroı bolǵanda ólim-jitim tirkelgen joq.
Oqıǵa ornyna kelgen jedel qyzmetter men quqyq qorǵaý organdary apattyń sebepterin anyqtaý úshin tergeý jumystaryn bastaǵan. Aldyn ala boljam boıynsha, tejegish júıesiniń isten shyǵýy apatqa basty sebep bolǵan.