Sebebi, klasıkalyq mýzyka jastardy "úrkitedi".
Helsınkı mańyndaǵy Espý qalasynyń polısıasy oqý jylynyń aıaqtalýyn toılap jatqan jasóspirimderdi jaǵajaıdan úrkitý úshin klasıkalyq mýzykany paıdalanady.
Osy ýaqytta jastar jaǵajaılarda jıi kesh ótkizip, qoqys tastap, jergilikti turǵyndardyń mazasyn alady. Olardy qorqytý úshin polıseıler birneshe jyldan beri ádetten tys osy ádisti qoldanyp keletin kórinedi, dep habarlaıdy Almaty-akshamy.kz.
Klasıkalyq saz jasóspirimder úshin zeriktiretin, túsiniksiz álem retinde olardyń kóńil kóterý nıetin tómendetetin bolyp shyqty. Osyny eskergen jergilikti tártip saqshylary osyndaı ózgeshe qýlyqqa barýǵa májbúr. Kesh bata úlken dınamıkterden, daýys zoraıtqyshtardan klasıkalyq mýzyka oınaıdy. Bıylǵy pleılıstke Iogan Shtraýstyń «Ádemi kók Dýnaıda», Antonıo Vıvaldıdiń «Tórt mezgil» jáne Frans Shýberttiń «Ave Marıa» týyndylary kirgen. Polısıa qyzmetkeri Mıkko Jývonenniń aıtýynsha, mundaı sharalar basqa elderde de qoldanylyp, nátıjeli bolǵan: jasóspirimder oıyn-saýyq úshin basqa jer izdegendi jón kóredi.