Halyqty densaýlyq saqtaý obektilerimen qamtamasyz etý jumystary sheńberinde Kemel shaǵyn aýdanynda aýysymyna 200 adamdy qabyldaıtyn otbasylyq-dárigerlik ambýlatorıanyń qurylysy aıaqtaldy.
Bul týraly Almaty ákimi Erbolat Dosaevtyń Jetisý aýdany turǵyndarymen ótken kezdesýde málim boldy, dep habarlaıdy Almaty-akshamy.kz.
Ambýlatorıa jumysyn qarasha aıynda bastaıdy.
«Budan buryn Ákimdik emhanalar salý úshin Omarov kóshesinde aýysymyna 300 adam, Núsipbekov kóshesinde 200 adam jáne Rabochıı poselokta 240 adam keletin 3 ǵımarat satyp aldy. Bıylǵy jyly ákimdik olardy jóndep, jabdyqtaýǵa 2 mlrd (1,96 mlrd.) teńgedeı bóldi.
Qazirgi tańda Rabochıı poseloktaǵy emhanany kúrdeli jóndeý jumystary aıaqtaldy. Medısınalyq jabdyqtar ornatylǵannan keıin jańa qalalyq emhana jeltoqsan aıynda ashylady», - dedi qala basshysy E.Dosaev.
Núsipbekov jáne Omarov kóshelerindegi eki ǵımaratty kúrdeli jóndeý boıynsha konkýrstardyń ótkizilmeýine baılanysty jumystar qarasha aıynda bastalady. Jumystar 2024 jyldyń maýsym aıynda aıaqtalady dep josparlanýda.