Prezıdent Ulttyq Quryltaıdyń tórtinshi otyrysyn kelesi jyly Kókshetaýda ótkizýdi usyndy. Bul týraly Memleket basshysy Ulttyq Quryltaıdyń úshinshi otyrysynda sóılegen sózinde aıtty, dep habarlaıdy almaty-akshamy.kz.
«Shyn máninde, mundaı alqaly jıyndardy aımaqtarda ótkizýdiń mán-mańyzy zor. Sol arqyly oblystardyń damýyna tyń serpin beremiz. Osy úrdis aldaǵy ýaqytta da jalǵasyn tabady. Áıgili Qasym han – Saraıshyqta, Abylaı han – Býrabaıda ordasyn tikkeni belgili. Esildiń boıynda – Kenesary han memlekettigimizdi saqtap qalý úshin talaı joryqqa shyqqan. Bul aımaq tól shejiremizde aıryqsha oryn alady. Sondyqtan Ulttyq Quryltaıdyń tórtinshi otyrysyn kelesi jyly Kókshetaýda ótkizýdi usynamyn»,-dep qorytty sózin Prezıdent.