Úkimet ınvestısıalardy yntalandyrý jáne ekonomıkany ártaraptandyrý jónindegi belgilengen josparlardy iske asyrýdy jalǵastyrady
Bul týraly Úkimettiń telegramm-kanalynda jarıa etildi, dep habarlaıdy aqshamnews.kz.
«Qazaqstanda munaı-gaz hımıasy, mashına jasaý, metalýrgıa jáne AÓK joǵary deńgeıde qaıta óńdeýdiń 17 iri jobasyn iske asyrý bastaldy. Ekonomıkaǵa úlken ınvestısıalar quıylýda. Bıyl Memleket basshysynyń turǵyn úı qurylysy, óńirlerdi gazdandyrý, TKSH jańǵyrtý, kólik ınfraqurylymy boıynsha aýqymdy bastamalaryn iske asyrý aıasynda ǵana ekonomıkany qarjylandyrý 2 trln teńgeden asty. Osy jyly jalpy somasy 40 trln teńgege jýyq Ulttyq ınfraqurylymdyq jospardy 2029 jylǵa deıin iske asyrý bastaldy. Jyl sońyna deıin Energetıka jáne komýnaldyq sektorlardy jańǵyrtý jónindegi ulttyq joba qabyldanady. Fermerlerdi qoldaý jalǵasýda. Kelesi jyly kóktemgi egis jumystaryn qarjylandyrý 700 mlrd teńgege deıin ulǵaıtyldy. Búgingi tańda fermerlerden ótinimder qabyldanýda, olar 5%-dyq jeńildigi bar qarjylandyrýmen qamtamasyz etiledi», — dedi baspasóz máslıhatynda jýrnalıser suraǵyna jaýap bergen Premer-mınıstrdiń orynbasary – ulttyq ekonomıka mınıstri Nurlan Baıbazarov.
Sonymen qatar Úkimet ekonomıkaǵa shetel kapıtalyn tartý boıynsha sharalardy kúsheıtti. Sondaı-aq bıznes úshin jaǵdaıdy jaqsartý jáne ekonomıkany yryqtandyrý boıynsha júıeli jumys jalǵastyrylady. Úkimettik baǵdarlamalardy iske asyrýdan ekonomıkaǵa shetel valútasynyń túsýi valúta naryǵyna turaqtandyrýshy áser etedi ári ekonomıkanyń odan ári ósýine yqpal etedi dep kútilýde.