University Medical Center-degi qazaqstandyq kardıohırýrgtar komandasy organızmnen tys aǵzalardy saqtaý úshin biregeı qurylǵy jasaý ústinde, dep habarlaıdy aqshamnews.kz.
UMC habarlaýynsha, bul transplantattaý nátıjelerin aıtarlyqtaı jaqsarta alady.
Jobanyń sheńberinde mamandar soǵyp turǵan júrekti, sondaı-aq «tynys alatyn» ókpeni jáne jumys isteıtin baýyrdy saqtaý úshin tehnologıalardy ázirleýde. Bolashaqta búırekke keńeıtý josparlanýda. Aǵzany ómirsheń kúıinde kem degende 24 saǵat saqtaýǵa bolady.
Organızmnen tys júrek qyzmeti 29 saǵat boıy saqtalýy múmkin ekendigi, keıin sátti transplantattalatyny ǵylymı dáleldengen. Búgingi tańda tek bir qurylǵy - Transmedics kompanıasynyń amerıkandyq OCS júıesi aǵzalardyń ómirsheńdigin qaýipsiz jáne tıimdi saqtaýǵa múmkindik beredi.
«Bizdiń qurylǵymyzdyń amerıkandyqtan basty aıyrmashylyǵy - bul oqshaýlanǵan aǵzaǵa uzaq qoldaýdy bildiredi jáne amerıkandyq analogtan aıyrmashylyǵy, bizdiń júıede aǵzadan tys tirshilik etý kezeńinde aǵzany emdeý kózdelgen jáne biz bul aǵzany últradybystyq, tamyrishilik arterıalyq zertteý arqyly emdeı alamyz, baǵalaı alamyz, bul júrekti nárlendiredi jáne osylaısha resıpıenttiń aǵzaǵa ıe bolýyn jáne transplanttaýdan bas tartý nemese dısfýnksıa qaýpiniń bolmaýyn jáne eń bastysy qaýipsiz bolýyn qamtamasyz etedi», — dedi «University Medical Center» korporatıvtik qorynyń «kardıohırýrgıa» klınıkalyq akademıalyq departamentiniń dırektory Tımýr Lesbekov.