Qazaqstanda «Aýyldyq densaýlyq saqtaýdy jańǵyrtý» ulttyq jobasy bekitildi, dep habarlaıdy Almaty-akshamy.kz.
Úkimettiń málimetinshe, Ulttyq joba aıasynda 2023-2024 jyldary 655 medısınalyq-sanıtarlyq alǵashqy kómek (MSAK) nysanyn salý josparlanyp otyr. Onyń ishinde, 257 medısınalyq pýnkt, 238 feldsherlik-akýsherlik pýnkt jáne 160 dárigerlik ambýlatorıa bar.
«Búgingi tańda 99 MSAK nysanynyń qurylysy júrip jatyr, barlyǵy bıyl tapsyrylmaq. 2024-2025 jyldary ınsýlt jáne kardıologıa ortalyqtary, travmatologıalyq jáne ortopedıalyq bólimsheleri bar, sondaı-aq zamanaýı medısınalyq jabdyqtarmen qamtylǵan 32 kópsalaly ortalyq aýdandyq aýrýhana jańǵyrtylatyn bolady», - dep jazylǵan aqparatta.
Kadrlyq qamtamasyz etý boıynsha 2023-2025 jyldar aralyǵynda elimizdiń medısınalyq kolejderi men joǵary oqý oryndarynda 14 000-nan astam medbıke, 10 000 feldsher, 957 akýsher jáne 7 000 jalpy praktıka dárigerin daıarlaý josparlanyp otyr.
Kópsalaly ortalyq aýdandyq aýrýhanalardy jańa jabdyqtarmen qamtamasyz etý maqsatynda 2025 jylǵa deıin jalpy somasy 46 mlrd teńgege 965 medısınalyq tehnıka satyp alý josparlanǵan. Olardyń qatarynda kompúterlik tomografıa apparattarynan bastap ókpeni jasandy jeldetý apparattaryna deıin túrli jabdyqtar bolmaq.