Iadrolyq qarýy bar memleketter ıadrolyq synaqtardan bas tartý jónindegi mindettemelerin rastaýy kerek. Iadrolyq synaqtarǵa jappaı tyıym salý sharty uıymynyń Atqarýshy hatshysy Robert Floıd osylaı dep málimdedi, dep habarlaıdy Almaty-akshamy.kz 24.kz-ke silteme jasap
Nú-Iorkte ótken BUU Bas Assambleıasynyń Halyqaralyq ıadrolyq synaqtarǵa qarsy is-qımyl kúnine arnalǵan joǵary deńgeıdegi plenarlyq otyrysy ótti. Bul jıyn Qazaqstan bastamasymen BUU-nyń tórinde jyl saıyn tamyzdyń 29 ótedi. Qazaqstan Semeı polıgonyn jaýyp qana qoımaı, Iadrolyq synaqtarǵa jappaı tyıym salý týraly sharttyń kúshine enýine tikeleı yqpal etti. Álem boıynsha úlken qozǵalysqa negiz boldy. Sondyqtan BUU Bas Assambleıasynyń Tóraǵasy Chaba Kereshı elimizdiń rólin erekshe atap ótti.
Robert Floıd, Iadrolyq synyqtarǵa jappaı tyıym salý sharty uıymynyń atqarýshy hatshysy: - Bul kúlli adamzat úshin mańyzdy kún. Qazaqstan bul kúnniń BUU-nyń kúntizbesine enýine tikeleı yqpal jasady. Bul álemdi ıadrolyq qarýdy synaýdan jáne tútep kelgende ıadrolyq qarýdan múldem bas tartýǵa shaqyratyn kún. Álem elderi naqty qadamdar jasaýy tıis.
Jarysa qarýlanǵan alpaýyttar arasyndaǵy qarym-qatynastyń shıelenisýi ıadrolyq qarýdyń álem úshin qaýipin arttyra tústi. Sondyqtan BUU Bas Assambleıasy tóraǵasynyń aıtýynsha, jahandyq ıadrolyq synaqtarǵa tyıym salýdy júzege asyrý boıynsha birlesken is-qımyldardy arttyrý kerek. Bul oraıda, BUU-nyń Qarýsyzdaný isteri jónindegi Joǵary ókili Izýmı Nakamısý álem elderi Qazaqstannan úlgi alýy tıis deıdi.
Izýmı Nakamısý, BUU qarýsyzdandyrý isteri jónindegi joǵary ókili: - Semeı ıadrolyq synaq polıgonyn jabý – tarıhı mańyzdy sheshim. Qazirgi ıadrolyq qarýdy synaýǵa qarsy halyqaralyq qozǵalysqa muryndyq boldy. Qazaqstan bul saladaǵy kóshbasshylyq róli arqyly bizge árkez ıadrolyq qarýdan azat álem qurýdaǵy birlesken is-qımyldardy kúsheıtý keregin eske salyp otyrady. Bul kóshbasshylyqty halyqaralyq qaýymdastyq joǵary baǵlaıdy jáne BUU Qazaqstan úkimetiniń áriptestigi men qoldaýyna rızashylyq bildiredi.
Álemdi ıadrolyq qarýdan bas tartý úshin taǵy da dıalog pen naqty áreketterge shaqyrǵan Qazaqstannyń BUU janyndaǵy Turaqty ókili Aqan Rahmetýllın ıadrolyq qarýsyz álemge qol jetkizý úshin memleketterden bólek, qoǵam ókilderiniń, sonyń ishinde jastardyń kúsh-jigerin biriktirý kerek deıdi.
Al jahandyq bastamaǵa nazar aýdarý maqsatynda Qazaqstannyń Turaqty Ókildigi men BUU-nyń Qarýsyzdaný jónindegi basqarmasy birlesip, tamyzdyń 29-yn bildiretin 8,29 shaqyrym qashyqtyqty eńserý aksıasyn uıymdastyrdy. Bul sharaǵa ataqty Gollıvýd akteri Maıkl Dýglas ta qosylyp, elimiz ben BUU-nyń osy baǵyttaǵy kúsh-jigerine qoldaý bildiredi.