Úkimettiń keńeıtilgen keńesinde Memleket basshysy Qasym-Jomart Toqaev osnydaı tapsyrma berdi, dep habarlaıdy Almaty-akshamy.kz QazAqparatqa silteme jasap.
«Jýyqta men Premer-Mınıstrdiń orynbasary – Syrtqy ister mınıstri etip Murat Nurtileýdi taǵaıyndadym. Onyń halyqaralyq saladaǵy tájirıbesi aıtarlyqtaı. Laýazymdyq mindetine baılanysty ol sondaı-aq ınvestısıa tartýmen de aınalysady. Nátıjesi bolady dep úmittenemin», – dedi Memleket basshysy.
Sondaı-aq, Prezıdent bul iske «Atameken» ulttyq kásipkerler palatasyn tartý qajettigin aıtty.
«Árbir mańyzdy ınvestısıalyq jobany prokýratýra qyzmetkerleri súıemeldeýi qajet dep esepteımin. Bul ujymdyq jaýapkershilik júıesin jolǵa qoıýǵa múmkindik beredi jáne memlekettik qyzmetshilerdi durys emes sheshim qabyldaımyn degen úreıden aryltady.
Mundaı shara ınvestısıalardy tartý jónindegi jumystyń tıimdiligin arttyrýǵa tıis jáne sheteldik kásipkerlerdiń ınvestısıalarynyń qaýipsizdigine kepil bolady. Munyń bári bizdiń elimizdegi ınvestısıalyq ahýaldy jaqsartýǵa yqpal etedi dep esepteımin», –- dedi Qasym-Jomart Toqaev.
Aıta keteıik, Úkimet úıinde Prezıdent tóraǵalyǵymen eldiń áleýmettik-ekonomıkalyq damý máseleleri jóninde keńes ótip jatyr.