Qazaqstanda jetim jáne ata-ana qamqorlyǵynsyz qalǵan balalardyń 115 uıymy jumys istep tur.
Keıingi on jylda eldegi jetimhana sany eki ese kemigen. Qazir elimizde 21 387 bala jetimdiktiń júgin arqalap júr, dep habarlaıdy Almaty-akshamy.kz 24.kz-ke silteme jasap.
Oqý-aǵartý mınıstrliginiń málimeti boıynsha mundaı jetkinshekterdiń deni bilim berý júıesine qaraıtyn 78 mekemede ornalasqan. Taǵy bir bóligi densaýlyq saqtaý salasynyń qaramaǵyndaǵy 18 uıymnyń jáne áleýmettik qorǵaý júıesine qarasty 20 mekemeniń qaraýynda tur.
Jetim jáne ata-ana qamqorlyǵynsyz qalǵan 21 myń 387 balanyń 17 myń 660-y qazir otbasylarda tárbıelenip jatyr. Jyl saıyn myńnan astam balaqaı, januıalarǵa qabyldanyp jatady.